اذا احتوت المشاركة صورا - قم بالضغط عليها لعرضها بحجمها الطبيعي

---

*
برود يجتاحني !
لا أشعر بأنفاسي !
كأنني أطفو !
لا بل أنا أحلّق !
هناك شخص يشبهني ممدد على سريري !
مهلاً هذا أنا !
مالذي يحصل ! هل أنا ميت الأن ؟
هل هذه روحي ؟ هل فارقت الحياة للأبد !
أيــــــــــــــــــــــــــــن أنا !؟

+
من فينا ما تمنى يطير بعيد ! عن المشاكل وعن الهموم وعن ازعاج البزران وصراخ الجيران
يبعد عن الدراسة يبعد عن الدوام يبعد عن القلق النفسي بجميع انواعه !
الكل يحتاج لحظة يصمت فيها الكون فقط ليعيد ترتيب أفكاره !
طيب من سمع منكم بـ( الإسقاط النجمي ) أو كما يطلق عليه ( الخروج من الجسد ) ؟
كثير سمع الأسم بس مو عارف وش الطبخه !
وقليل عارف ايش معناه لكن مو متثقف فيه
+
* إذن ماهو الإسقاط النجمي ؟
- هي ظاهرة ( حقيقية ) مدروسة
التعريف الأكثر إنتشاراً وواقعيةً لها هو : خروج الجسم الأثيري أو تجسيد الطاقة الحيوية من جسم الإنسان أثناء الفترة التي بين الوعي و الاوعي ! ثم يذهب الجسد الأثيري إلى البعد النجمي حيث يفرض تكوين الأحلام <<
فهمتوا ؟
لا !
طيب ببسطها لكم بالعامي : أنت الحين هلكان ! وفيك نوم ! انسدحت على سريرك وعينك بدت تغفى
جزء منك صكها نومة والجزء الثاني لازال شابك خط مع سوالف الوالدة بالصالة
في هالمرحلة بالضبط تقدر أنك تفصل ( جسدك المادي ) يعني لحمك وعظامك وشعرك وكل شي ملموس فيك
تقدر تفصله عن ( جسدك الأثيري ) يعني الطاقة اللي في جسم المخلوق أو زي مانقول عنها ( الروح )
طيب وعقب مافصلناهم ؟ وين يروحون !
ينتقل جسدك الأثيري لشي أسمه ( البعد النجمي ) !
صورة توضيحية :



* مصطلحات تهمنا :
- البعد الحقيقي = عالمنا ذا ماغيره
البعد النجمي = العالم اللي تسافر له الروح
جسدك المادي = جسمك الملموس
جسدك الأثيري = الروح أو الطاقة

* ماهي المادة الأثيرية ؟!
- هي طاقة الحياة ! وهي الشي الفاصل مابين البعد النجمي والبعد الحقيقي !
و هالشي يرجع لأن جزء منها حقيقي ! وجزء منها نجمي !
في دراسة أثبتت على ان الإنسان إذا كان على وشك الموت يخف وزنه !
هالدراسة جت عن طريق ان مجموعة من الدكاتره حطو اجهزة وزن عصبيه تحت سراير المرضى !
ولاحظو في حالة الموت ينقص وزن المريض إلى النصف او الربع !
وهالشي بسبب ان المادة الأثيرية طلعت من الجسم وراحت للبعد النجمي

* أنواعه ؟!
- السالفه ماهيب وكالة من غير بواب !
الله يسلمكم في انواع متعدده للظاهرة العجيبة هاذي :
1/ " الخروج من الجسد OBE "
هاذي تكون غالباً في تجارب الموت الله يطول بأعماركم
زي حادث ! عملية جراحية ! ولادة !
أفصلها لكم : لاسمح الله صار حادث سيارة ! وكنت على مشارف الموت وخلاص قدك بتفطس !
لكنك واعي ! يعني تشوف الخلق تركض حولك وتسمي عليك وكذا !
يعني انت عايش اللحظة بنفس المكان ونفس الوقت مع باقي الخلق مانت بفارق عنهم بشي !
انت حالياً جسدك النجمي حامل كمية كبيرة جداً من طاقتك الحيوية زي ماقلنا اسمها أثيريه
السبب :
لما يكون الشخص قريب من الموت يكون معتقد انه خلاص بيودع ويموت ! هالشي يخلي جزء من طاقته تنتقل لجسمه النجمي استعداداً للموت
في هذا النوع انت ماتقدر تغير شي حولك ابد ابد ! كل الموضوع انك تتمشى بالمكان لكن ماتقدر تحوس واجد
يعني ماتقدر تكسر شي ! او تلمس شي ! << بعد يحصل تحوس وانت قدك بتموت !

2/ " الاسقاط النجمي Astral Projection "
هذا عاد فرقه عن الأول هو الوقت !
النوع الأول قلنا انك حالك حال باقي الخلق بالوقت والمكان
اما في هذا النوع ففي فرق بالتوقيت
يعني ساعة وحده في البعد النجمي = دقائق في العالم الحقيقي
في هذا النوع تقدر تغير الأشياء حولك ! يعني مو عاجبك لون الجدار ! تقدر تقلبه فسفوري اذا حبيت عادي يعني
بس طبعاً الناس اللي في العالم الحقيقي ماراح تشوف الخرابيط اللي سويتها
يعني حوس بينك وبين نفسك

3/ " الحلم الواعي Lucid Dream "
في هالنوع الوقت بعد يتمدد زي النوع الثاني
هنا انت المسيطر والمتحكم ! هنا تقدر تقلب الأرض فوق والسماء تحت ! عادي جداً
هذا النوع هو الأكثر إستخداماً وإنتشاراً والأغلب يستخدمة للمتعه وتضيع الوقت

يتبع ..

الموضوع الأصلي : بين الحلم واليقظة , وجدت نفسي ! // المصدر : منتديات إجلجلي Agelgele // الكاتب:انور زياية

انور زياية ; توقيع العضو